Maamul loo dhisey Gobolka Jubada Hoose
 
Waxa masuuliinta Maxkamaduhu magacaabeen qofkii Guddoomiye u noqon lahaa Gobolk jubada Hoose, Duqa magaalda Kismaayo, Maareeyaha Dekedda Kismaayo iyo kan gegeda dayuuradaha.

Waxa kale oo Masuuliinta Maxkamaduhu magacaabeen Taliyaha Ciidamda Booliska ee Gobolka Jubada Hoose.

Khamiistiina waxa Muqdisho lagu qabtey munaasab lagaga dhawaaqey qeybaha uu yeelan Garsoor cusub oo loo sameeyey Gobola Banadir, kuwaas oo hoos imaanaya afar Maxkamadood oo kala ah:
 

Shiikh Shariif Sh. Axmed
 

Maxaakiimta Muqdisho 

1-Maxkamadda isku celinta hantida Muuqata ee la kala heysto.
2-Maxakamdda Rafcaanka ee Gobolka.
3-Maxkamaddii Gobolka banaadir iyo
4-Maxkamaddii degmooyinka ee gobolka oo ka kooban 21 saldhig ooy ka hawlgali doonaan 64 garsoore.

Nidaamka garsoor ee haatan Gobolka Banaadir loo dhisey waxa uu soo af-jarayaa habkii hore ee Maxkamadaha ee Shareecada iyo qabaa'ilka ee is -huwanaa ee garsoor ee lagu soo dhaqmayey ilaa intii Midowga Maxkamaduhu la wareegeen maamulka gobolka banaadir, bishii June ee sanadkan.